Ny Niandohan'i Satana
Ny niandohan'i Satana (Ezek.28)
Ezekiela 28 dia miresaka mpanjaka iray izay anaovana fanoharana manazava ny niandohan'i Satana.
Kintan'ny maraina na Losifera no anarany satria izy no nitondra ny fahazavan'ny maraina. Nataon'Andriamanitra feno hatsaran-tarehy ilay kintan'ny maraina. Napetrak'Andriamanitra tao amin'ny saha Edena, izay feno fahatsarana izy. Nomen'Andriamanitra fahendrena sy fahalalana be koa izy ireo, ary natao mpanisy tombon-kase ireo rafitra tsara tarehy. (Ezek.28:2-4, 28:12).
"Ry ilay mahatanteraka* ny rafitra tsara tarehy tonga marika sady feno fahendrena no tena tsara tarehy,[Heb. manisy tombon-kase] » (Ezekiela 28:12)
« Noho ny habetsahan'ny varotra nataonao dia nofenoina loza tao aminao, ka nanota ianao; Ary dia nolotoiko ka nariako niala tamin'ny tendrombohitr'Andriamanitra ianao, Ary nosimbako ianao, ry kerobima manaloka, hiala tao amin'ny vato mirehitra. » (Ezekiela 28:16)
Nampiandraiketina ny tany sy ny zavatra eo aminy
Tany amboalohany, ny kintan'ny maraina (Losifera) sy ireo anjeliny no nomen'Andriamanitra ny andraikitra hikarakara ny tany sy ny zavatra teo aminy.
« Niavonavona ny fonao noho ny hatsaran-tarehinao; Efa nahasimba ny fahendrenao mbamin'ny famirapiratanao ianao; Nazerako eny an-tany ianao sady natolotro ho fitalanjonan'ireo mpanjaka, » (Ezekiela 28:17)
Ary nomena safidy malalaka koa na hanaraka ny fomba fiainan'Andriamanitra na tsia. Izany hatsaran-tarehy nananany izany no nahatonga ny fony hiavonavona tamin'Andriamanitra ary nahatonga an'i Satana sy ireo anjeliny hikomy sy hiady tamin'Andriamanitra sy ny Mesiany.
Nesorina tamin'ireo anjely ireo ny voninahiny
« Dia, indro, hitondra olona hafa firenena Aho hamely anao, dia izay masiaka indrindra amin'ny firenena, Ka hotsoahany ny sabany hamelezany ny fahendrenao tsara, ary hataony matroka ny famirapiratanao » (Ezekiela 28:7)« Havariny ho any an-davaka ianao, ka ho faty toy ny fahafatesan'izay voatrabaka ao amin'ny ranomasina.
« Moa mbola hitompo teny fantatra va ianao eo imason'izay mamono anao hoe mba Andriamanitra koa aho? Nefa olona ihany ianao, fa tsy Andriamanitra tsinona, raha mby eo an-tànan'izay manatrabaka anao » (Ezekiela 28:9)« Tahaka ny fahafatesan'ny tsy voafora no hahafatesan'ny fahavalo anao; Fa Izaho no niteny izany, hoy Jehovah Tompo. » (Ezekiela 28:10)« Ary tonga tamiko ny tenin'i Jehovah nanao hoe: » (Ezekiela 28:11)
« Noho ny haben'ny helokao tamin'ny tsi-fahamarinan'ny varotrao, dia voalotonao ny fitoeranao masina; Koa izany no hamoahako afo avy ao aminao handevona anao, ary hataoko tonga lavenona eny ambonin'ny tany ianao eo imason'izay rehetra mijery anao. » (Ezekiela 28:18)
« Ny firenena rehetra izay mahalala anao dia ho gaga anao; Ho tonga fampitahorana ianao ary tsy ho ao intsony mandrakizay. » (Ezekiela 28:19)